Está formada polos concellos de Santiago de Compostela, Ames, Boqueixón, Brión, Teo, Val do Dubra e Vedra e situada no centro sur da provincia da Coruña. Nela viven aproximadamente 164 000 persoas. Os seus límites son: ao norte, a comarca de Ordes, ao sur as comarcas de Sar e de Tabeirós-Terra de Montes, ao leste as comarcas de Arzúa e do Deza e ao oeste as comarcas de Xallas, A Barcala e Noia. A cabeceira da comarca é Santiago de Compostela, que é ademais a capital de Galicia.